الاثنين، 12 يوليو، 2010

Let Us Eat Together

مقطع فيديو جميل له فكرة ويحمل رسالة واضحة بأسلوب إبداعى

نتمنى لكم مشاهدة ممتعة ومفيدة




الخميس، 17 يونيو، 2010

سلسلة كتب أدوات القادة ( مشروع النهضة )




في هذه اللحظة التاريخية التي يتصاعد فيها صدى التحولات العالمية حتى يصم الآذان،
ويعلو فيها صوت المآذن حتى ينتظم الآفاق,
تنبعث من تحت الركام التاريخي الطويل أمة الإسلام, عارية الصدر إلا من جلال الحق في وجه قوى الظلام المدججة بأعتى الأسلحة الفتاكة للأجسام والعقول..
معركة تبدو للوهلة الأولى محسومة. تكون الغلبة فيها لمنطق القوة لا لقوة المنطق..
في هذه اللحظة نؤمن أن قدر الله غالب.. وأن دعوة الحق منتصرة..
فكما نهضت الأمة من سباتها ورفعت رأسها عالياً رغم كيد الخصوم وجهل الأحباب،
فهي لا شك قادرة على تحصيل أسباب القوة والمنعة ولو بعد حين..
وحين تحرس القوة الحق. فلا يقف شيء أمامه..فإن الحق يأسر القلوب والعقول، والقوة تردع الطامعين والباغين.
تلك هي الآمال، نقولها ونربطها بمشيئة الله عز وجل،
واثقين من تأييده إن بذلنا وسعنا.

................

بهذه الكلمات القوية قدّم الدكتور جاسم سلطان لسلسلة هامة جدا وأساسية لكل طلاب النهضة
وخصوصا من الشباب

هذه السلسلة عبارة عن 6 كتب تحاول ان تضع خارطة طريق واضحة المعالم
لنهضة لا تلبث أن تشرق على بلادنا

الكتاب الأول هو كتاب من الصحوة الى اليقظة .

وفيه يحاول الدكتور أن يجيب على سؤال ملح ...وهو أين الأمة الآن ؟؟ وكيف تنتقل الأمة الى المرحلة التالية ؟؟

الكتاب الثانى : وهو قوانين النهضة

الكتاب الثالث : الذاكرة التاريخية للأمة .

الكتاب الرابع : فلسفة التاريخ .

الكتاب الخامس : التفكير الاستراتيجى .

الكتاب السادس : قواعد فى الممارسة السياسية .

اليوم نقدم لكم 5 كتب من هذه المجموعة القيمة جداا والتى لا غنى عنها لطالب من طلاب النهضة .
لتحميل المجموعة

من هنا






الأحد، 13 يونيو، 2010

كفاية كلام تعالوا نغير


المقال ده جميل جداا ...كتبه المهندس هيثم أبو خليل ..وانا قريته واستمتعت بيه ..يارب انتوا كمان تقرؤه وتستمتعواا بيه .

............................

نموذج هو ما حدث معي يوم أمس … فالموضوع رغم بساطته إلا أن دلالاته كثيرة ومتنوعة …
ذهبت أنا وأسرتي للتنزه مساءاً في المنطقة المحيطة بقلعة قايتباي بالإسكندرية ..
فوجدت مجموعة من البلطجية يسيطرون علي سور البحر المجاور للقلعة بالكامل وكذلك الممشى الخاص به وقد وضعوا كراسي وطاولات بلاستيكية لحجز المكان ومن يريد أن يشم الهواء فعليه أن يدفع ويجلس ..!
كنت قد علمت مسبقاً بالأمر ولكن لا أتخيل استهزاء هؤلاء بالقانون والأهم من ذلك بنا كمواطنين …
يختفي هؤلاء البلطجية في غمضة عين عندما تحضر شرطة المرافق وتقوم بمصادرة الكراسي والطاولات ..وبعدها بيوم يذهبون عن طريق واسطة من بلطجية من نوع أخر إلي شرطة المرافق ويدفعون غرامة وتعاد لهم الكراسي والطاولات المصادرة ومن غلة يوم واحد يمكن تعويض الغرامة ..
بصراحة كان تحدي بالنسبة لي أمام والدتي وزوجتي وأولادي..
إما أن أقف بعيدا مثلما فعل الجميع وأشاهد البحر من بعيد لبعيد أو أكون إيجابياً وأحاول التغيير فالبداية لابد أن تكون هنا …من بيننا وبعد ذلك يكون التغيير الكبير مع النظام ورئسيه ..
أزحت الكراسي وجلست علي سور البحر أنا وأسرتي فجاء إلي بلطجي تعس الشكل والهيئة والمنظر وقال لي بصوت خشن للغاية :
يا أستاذ هنا ممنوع ..
قلت له:
خير …نحن في مكان عام ..
فقال لي وقد بدأ في تحريك كلتا يديه :
إحنا مستأجرين المكان كله من المحافظة ..!
فقلت له:
كلامك غير صحيح ..هل معك ما يثبت ذلك ..؟
فقال لي وقد أرتفع صوته كثيراً وبدأ (يشوح) في وجهي :
وأنت مالك مش شغلك ..؟!
فقلت :
يبقي تسكت ليس لك عندي حاجة أنا قاعد ولن أقوم من هذا المكان ..
فقال لي وقد تراجع قليلاً :
قوم يا أستاذ علشان اليوم يعدي …ولا أعمل معك مشكلة ..
فقلت له :
أنا معك للأخر ولن أقوم من هذا المكان
فتركني وأبتعد عني وهو يقول:
إيه البرود ده ..؟
عندها رفعت صوتي وقلت له:
متشكر لأخلاقك وذوقك..!
فلم يرد …
نظرت بعد هذا الحوار لسور البحر بالكامل فوجدت الكراسي خاوية إلا بعض العائلات من خارج الإسكندرية ربما تعتقد أن الجلوس في هذا المكان بالأجر وعلي هذه الكراسي ..
الجميع يرقب البحر من بعيد دون أن يحاول ..
جلست مهموماً وأسئلة كثيرة تدور في رأسي أهمها :
لماذا لا يحاول هؤلاء المواطنين وعددهم بالمئات من انتزاع أبسط حقوقهم وهو الاستمتاع برؤية البحر والتعرض لنسيمه العليل ..
لو تشجعوا… لفر هؤلاء البلطجية من أمامهم كفئران …
لماذا هذا الاستسلام المخل في كل أمور حياتنا … ؟
جلست أسرتي تنظر للبحر وأنا أنظر للناس حولي حتي جاء الفرج …
فهتفت من أعماقي الله أكبر … الأمل موجود ..
مواطن سكندري تشجع وأزاح الكراسي وجلس هو وزوجته وحدث معه نفس الحوار الذي حدث معي ورفض مغادرة مكانه وقال لهم أنا جالس في ملك الحكومة …..
كان صلباً للغاية .. جلست أتمعن في وجهه وأستمتع بصوته وحديثه وكأنه يشجيني ويطربني ..أريد أن أشير له ..بل أقبل رأسه وأنا أهتف له وأقول هذا الرجل من بلدي …
هذا الرجل هو من نريد ..
عشرات الآلاف مثله ومصر تتغير في أيام …
بعدها بدقائق رأيت ثالث تشجع وفعل نفس الفعل … بدأت شلة البلطجية في التراجع والانزواء فلقد أصبحنا قوة … الأمر يحتاج لوقت لكن هناك نتيجة ..
عندها بدأت أستمتع بالفسحة أيما استمتاع وقلت من هنا تكون بداية التغيير ..
طريق التغيير والإصلاح لابد أن نجربه علي أنفسنا قبل أن نمارسه علي غيرنا ..
تعالوا نتخيل لو أصر الجميع آلا يدفعوا رشوة في إنهاء مصالحهم ..
تعالوا نتصور لو رفض الجميع قول الزور أو المشاركة فيه
يقيناً لو حاول لص أن يسرق مواطنا وطارده الجميع وسلموا للعدالة لأرتدع اللصوص ..
يقيناً لو قاوم الجميع الظلم الذي يقع عليهم لأختفي الظلم من بلادنا ..
يقيناً لو غيرنا أنفسنا للأفضل لمنحنا الله الأفضل ..
يا سادة تعالوا نجرب مع بعض ..
من اليوم نعاهد الله أن نقدم نموذج شخصي للتغيير …
مقاومة تجاوز … مقاومة فساد … مقاومة ظلم …مقاومة محسوبية ..
مقاومة احتكار … مقاومة استغلال …مقاومة غش وتدليس
تقديم نموذج للأمل … نموذج للرجولة … نموذج للشهامة …نموذج للنخوة ..
نموذج للصلابة في قول الحق … نموذج للأمانة ..نموذج للمروءة …
نموذج للاستقامة … نموذج لطهارة اليد …
مع مقاومة الظواهر السلبية ومع تقديم النماذج الإيجابية ستتغير بلادنا للأفضل
كفاية كلام … تعالوا نغير ..






الثلاثاء، 25 مايو، 2010

العربية لازم تروح تنتخب


لأول وهلة ممكن تفتكر إن العنوان ده دعوة للمشاركة الانتخابية الفعالة والمساهمة فى صنع مستقبل أضل وفكر جديد ومن أجلك أنت والحاجات الظريفة دى كلها . ... أنا كنت فاكر كده برده ...بس اللى حصل فعلا مش كده ... مش كده خالص كماان


هو ايه اللى حصل يعنى ؟؟


طالع الصبح فى أمان الله , ربنا هدانى وقلت اروح أحضر الروند النهاردة بصراحة الجو كان جميل أوى والموصلات كانت مفيش أجمل من كده . عادة أنا بركب 3 مواصلات علشان أوصل الكلية , المهم المواصلة الأولى كانت زى الفل , نزلت منها لقيت المواصلة التانية جاية , موفقتش تقريبا , شا ورت بايدى للسواق ربنا يكرمه وقف على طول جيت أركب ..لقيت راجل جاى من ورايا وبيسند واحدة ست عجوزة وبيحاول يركبها وسّعت له وساعدته والسواق استحمل لغاية ما ركبنا كلنا .


العربية بدأت تتحرك , ومفيش 30 ثانية , ولقيت الراجل اللى كان راكب معايا بيقول للسواق ..استنى يا اسطى ..فيه ايه ياعم ؟؟ ..شبشب الست العجوزة وقع


السواق ربنا يكرمه ..وقف واستنى الراجل لغاية مار جع جاب الشبشب ..ورجع تانى

وانطلق الميكروباص ...بدأت فى أذكارالصباح وانا مستمتع بالخضرة والشمس والهوا ...بقولك الجو كان تحفة الصبح .

خلاص قربنا نوصل ..داخلين على شبين ..أأوبا ...


كمييييييييييييين .....


بتاع المرور للسواق : الراجل اللى جنبك مش رابط الحزام ليه ؟؟

السواق مردش بس الراجل نفسه رد : انا لسه راكبا حالا من شوية ..

بتاع المرور : طيب هااات الرخص وتعالى على جنب ..

السواق : #$#*$#&*&@#$)$) ( تعبير عن الضيق ..والغضب ) .


.....

السواق ركن على جنب ونزل للضابط , الصمت يخيم على العربية ثم يبدأ أحد الركاب ( حج كبير ) يحكى : ابنى عنده عربية وحصل معاه موقف زى ده من كام يوم وقاله له هات 20 جنيه عشان تاخد الرخص ...

فالتفتنا إليه ..فكمل وقال : وبعدين ابنى راح اشتكى وبتوع المرور اللى خدواا منه الفلوس اتحبسوا 15 يوم .

بينى وبينكم أنا اتبسطت اوى من ايجابية الراجل ده واتمنيت فى نفسى ان كل السواقين يعملوا كده .

شوية والسواق رجع


مد السواق يده فى السيارة والتقط 15 جنيه وعاد الى الضابط ثم عاد بالرخص فى لحظات ...

ماشاء الله ..ماشاء الله ... مفعول الفلوس سريع جداا .

وانطلقنا ..


بس كده ؟؟ لا طبعاا ..لسه العربية ماا نتخبتش ...

وانا راجع من الكلية ..ركبت مع سواق ميكروباص ...واتحركت العربية ..وبمجرد ما خرجنا من شبين استأذن مننا إنه ينزل بس يجيب الرخص ...أصل الرخص اتسحبت منه هو كمان وهو جاى شبين ...


بس المرة دى شكل الفلوس محلتش المشكلة ..شوية ورجع زعلان جدااا

بتاع المرور :: اداله وصل ..وقال له : لو عاوز الرخص بتاعتك

تعال على المرور يوم الانتخابات الصبح ... العربية لازم تنتخب .

.......


ثم بدأ السواق : تيـــــــــــــــــــــــــيييييييييييت .( تعبير عن الغضب والقرف )

طبعا قعدت أفكر فى المووضوع ..يعنى ايه العربية لازم تروح تنتخب ؟؟؟


يعنى ايه العربية لازم تنتخب ؟؟


ازاى يعنى ؟؟ ..غريب اوى الموضوع ده ...


اممممممممممممم


ايوه ايوه


دى طريقة جديدة عشان يجبروا السواقين على نقل الناخبين يوم الانتخاابات للجان الانتخابية


يبدوا ان بشاير التزوير فى انتخابات الشورى بدأت تظهر .


لك الله يامصر ..



الاثنين، 29 مارس، 2010

عظام X عظام


سلام عليكم



دعواتكم كتتير

عندى امتحان اند روند عظام يوم الأربعاء إن شاء الله


السبت، 20 مارس، 2010

تعرف تنام بجد !!



سلام عليكم

ازيكم

آخر الأسبوع اللى فات قضيت يومين مع زمايلى

بذلنا مجهود غير عاادى ..لعب وتنطيط ..وجرى

لدرجة الواحد بقى مروح البيت بيمشى بالعافية.

...

....


.......

المهم وصلت البيت على قبل صلاة الجمعة بساعة كده ...مش قادر خالص

نمت لحد قبل الجمعة بعشر دقايق ..وقمت بسرعة ..جرى عشان ألحق الصلاة

وقلت أصلى فى الجامع اللى جنبنا عشان بيخلص بسرعة ..عشان أرجع أنام تانى

لأنى لو صليت فى الجامع اللى بحب أصلى فيه ..غالبا هناام فى الخطبة .

...

........

مش عارف بصراحة ايه السر فى موضوع النووم أثناء الخطبة ده

كل جمعة مهما أكون نايم كويس ..لازم أغفل شوية فى الخطبة ..

عموما رحت المسجد وقعدت قدام خالص فى التانى ...الصف الأول كان محجوز ..

وبدأت الخطبة ...وكانت عن حاجات كتتير الأقصى ومنع المآذن فى سويسرا وقصة وفاة النبى صلى الله عليه وسلم

طبعا خطبة بالجمال ده خلت الواحد يصحصح ويفنجل عينه ...الخطيب قعد يخطب ييجى ساعة ...
...

......

يلااا خير ..طبعا خلصت صلاة وطلعت جرى ..ونفسى فى حاجة واحدة بس .....ألاقى السرير مستنينى على بااب المسجد

وصلت البيت أخيراا ...حطيت راسى على المخدة ...وتهت فى عالم تااانى ..

ما درتش بنفسى الا وهما بيصحونى فى أذان العصر ... انا منمتش كتيير ...بس بجد أناا قمت فايق بشكل غير عادى ..حاسس باالراحة جدااا

وحسيت انى نمت نوووم ...نووووم حقيقى ....نووووم بجد ...طعمه حلو أوى النووووم ده .

......

............

ساعات كتتير الواحد ينام ويصحى تعبان برده وحاسس إنه عاوز ينام تانى ..

أقولكم بقى الواحد استفاد إيه من اليومين دول

الواحد فعلاا عرف انه عنده طاقات كتييرة جدااا ...جدااا ..بس مش بيطلعها ...فضلنا نلعب كورة لحد ما رجلنا قال بس كفاية كده ..

أجمل نوووم لما تكون تعبان أأوى أأوى ...زى بالظبط لما تكون جعاان أأوى أأوى فى رمضان ..وقاعد مستنى آذن المغرب ..بجد ليه فرحة كببيرة وسعادة ..

ليه بنحرم نفسنا من الطاقات دى نستفيد بيها فى حياتنا ...ونطلعها كلها على ما نقدر ..لحد آخر جزىء طاقة .

استفدت برده إنى لازم كل فترة أروح أغير جو ..وأطلع من جو الطب ده

وأروح اتفسح مع زمايلى أو نلعب كورة

ما تتخيلش الموضوع ده بيفرق معايا إزاى ؟؟
....
.
.
.
سؤالى بقى

ياترى كاام مرة نمت بجد فى حياتك ؟؟

؟؟؟

؟؟؟؟؟؟